OL美顏飲

大件事: 醫師同我講, 其實而家d藥房唔係想像中咁乾淨, OL美顏飲都係煲佢幾分鐘先焗安全d, 如果唔係患左慢性腸炎就大鑊了!!!!


女人唔補好易老!!!

唉~聽日生日, 屈指一算已經20有7了...好快就到3字...個樣比以前真係變左好多...老左!!!
真係要"的"起心肝keep吓!

keep, 唔係咁簡單的! 身材(本身已經唔係好=_=)唔好走樣之餘, 樣更加唔可以殘!
尤其係皮膚, 身體唔好, 用咩貴價保養品都吸收唔到啦!
所以, 係時候開始補養身子啦!

好多人一聽到個補字, 就會諗到花膠呀, 燕窩呀咁。其實平野都可以幫到我地!

OL美顏飲

材料﹕南棗1-2粒, 圓肉4-5粒, 杞子10-12粒

工具﹕茶包1個, 500ml真空保溫壺1個

方法﹕南棗開半, 所有材料沖沖水, 入茶包, 放入真空保溫壺, 加大約500ml熱水, 焗至少半個鐘

功效﹕

南棗--滋腎養肝、健腦安神、補脾養胃、活血強心、養顏烏髮

杞子--滋補肝腎，益精明目

圓肉--養血安神

其實呢個茶好多人都適合飲, 因為南棗同杞子都唔燥, 而圓肉份量都唔多, 如果平時火氣大或者熱底人士, 可以減少或者唔加圓肉! 仲有呀, 記得當有傷風感冒或者女士period時候就唔好飲啦!

檸檬薏仁水

呢排真心覺得身子唔好, 都諗住睇下中醫, 始終覺得中醫可以由根本著手, 調理身子。

個幾星期前, 誤打誤撞睇左個女醫師, 佢真係好好...

醫師/醫生點為之好呢?

我自己覺得:

1. 醫得好我(咁梗係啦=_=)

2. 肯同我講點醫法

3. 態度友善

中醫嘛...要知有冇用...要一d時間的...

難得ge係佢肯答我好多問題:

我係咩底子?我食e樣果樣得唔得?我應該點做先可以養好身子??等等好多問題!

佢都一一解答, 仲係講到我明果隻...我學到好多野!!!

之前我有睇過其他中醫, 連我問我係咩底子都唔答, 淨係開藥方...

今次呢個檸檬薏仁水都係佢叫我飲的, 可以健脾止瀉，利水除濕, 好岩春天飲!

因為懶ge關係, 我搵下有冇薏仁粉...咁唔使成日煲又要拎返公司咁麻煩...

搵吓搵吓, 比我搵到易珈生技的薏仁水, 仲專登係台灣訂返黎!

薏仁水並唔係好飲ge東東...既然我係為左身體健康, 就要確保唔係飲埋d冇益ge野落肚, e.g.農藥

當我見到佢有證書驗過多種重金屬同農藥都合格, 我就放心買...

要知道而家香港市面上充斥住好多"強國"食品...真係唔小心都唔得!

而家我每日都飲....

首先係屋企用純天然去除蔬菜水果農藥清洗液(個名好長=_=)洗好2粒檸檬, 切去頭尾(可以放係雪櫃吸味or放水煲煲水做清潔), 1粒檸檬切6片, 咁2粒就有12片,用保鮮紙包住放玻璃密實盒帶返公司。1日3片, 可以飲4日。

1包薏仁粉沖到500ml, 用暖水沖好再放檸檬。好清新, 好香檸檬味!!!

又玩靚靚甲貼

原來貼側邊係難過貼中間。

靚靚吉蒂貓甲貼

無無聊聊玩指甲 >.<

靚靚甲貼

生活有時好無聊, 如果可以整d新"花神", 唔單止可以解吓悶, 有時仲可以比身邊ge人眼前一亮ge感覺!

前幾日同好朋友行葵涌廣場, 係間細鋪仔前面見到有好多e d甲貼wor, 50蚊有3大張, 抵呀!!!

左揀右揀, 揀左呢3張! 花花就想新年幫呀媽整, 其他2款比自己。

玩左幾次, 叫做有少少心得啦!

直接貼係指甲上, 再查面油, 比查左甲油再貼 =>冇咁易爛

好玩又靚靚, 快d試吓啦!!!

Aubrey Organics Pure Aloe Vera +Japan Gals Sonic Mini

前幾年開始興起導出導入機，話可以清潔肌膚，又可以收毛孔同令肌膚吸收更多爽膚水同精華素，既加強美容效果，又唔會浪費護膚品（雖然我用ge都係平民野, 但都唔好浪費嘛）。

講到咁正，我就入左支HITACHI Hada CRiE CM-N810。用左年幾，除左覺得導出唔錯（每次化妝棉都變得黃黃咁），皮膚質素並冇明顯好左。自從睇左羅摩2篇文章﹕《導入機最強解說。上之超聲波導入篇》同埋《導入機最強解說。下之離子導入篇》，就知道點解皮膚冇好到 =_='''

羅摩ge意思就係話用離子唔係唔得，之不過大部份產品都配合唔到佢ge功能，因為當護膚品唔係離子化，即使用離子導入都係唔得ge。咁我果1年幾就係白做 =_= ... ... 唉... ...

而超聲波機，佢ge導入原理完全唔同，佢係可以夾硬將d爽膚水or精華素導入真皮層。咁就搞掂？未住，因為就好似羅摩咁講，導入機係唔識分護膚品中ge成份邊d好邊d唔好。所以一定要揀安全ge護膚品, 安全就不外乎係：有機+天然。

所以之前就係iherb買左支Aubrey Organics, Pure Aloe Vera, 4 fl oz (118 ml) USD$6.76@，呢支係98％有機成分，100％純天然成分，QAI有機認證，係從經過認證的有機蘆薈葉中提取，冇用人工增稠劑。成份包括﹕庫拉索蘆薈（蘆薈）葉汁，柚（葡萄柚）提取物，瓜爾豆瓜爾豆膠（瓜），生育酚（維生素E）。

見我成日用蘆薈？因為蘆薈真係好野黎！蘆薈可以：

1. 增強人體皮膚的保濕
2. 加速皮膚曬傷復完
3. 提升皮膚骨膠原份量

(From羅摩)

我ge皮膚"好有性格", 成日無端端生幾粒瘡出黎... ...我自己又衰手痕，成日擠佢，又多傷口又多印... ...用左Aubrey Organics Pure Aloe Vera +Japan Gals Sonic Mini， 印淡得快d，皮膚平滑左，心情真係好左，開心左！

DIY蘆薈檸檬皮面膜 -- iherb好物

今次又係用左iherb ge產品, 有機檸檬皮碎。香港都有檸檬皮產品賣, 但都比iherb貴。冇幫襯開iherb的可以上網search檸檬皮粉or Lemon Peel Power。 

Frontier Natural Products, Organic Lemon Peel, Granules, 1.70 oz (47 g) USD$4.43@

http://www.iherb.com/Frontier-Natural-Products-Organic-Lemon-Peel-Granules-1-70-oz-47-g/35865

Dr. Mercola, Natural Aloe Vera, 8 fl oz (236 ml) USD$9.97@
http://www.iherb.com/dr-mercola

經常都會去睇一個叫羅摩衍那ge blog, 佢寫d文章真係好好, 睇佢ge文章令我買野時更精明, 又令我學識左好多野! 有次無意中睇到一篇《檸檬美肌奇談》, 文章話檸檬皮所含的黃硐可以控油，而佢ge精油就可以殺菌，對緩和暗瘡有幫助, 岩晒我。配合埋純天然蘆薈, 既可以修護肌膚, 又可以防治暗瘡, 最緊要係唔使擔心有化學野!

材料亦好簡單:
1. 檸檬皮碎/粉 (1茶匙)
2. 蘆薈凝身膠 (1湯匙)

步驟:
1. 1茶匙檸檬皮碎加1茶匙凍滾水, 浸軟攪爛。(檸檬皮粉就不用這步驟)
2. 加1湯匙蘆薈, 攪勻。
3. 查上面, 10-15mins, 用清水洗去, 繼續平日護膚程序。

雖然樽檸檬皮碎得47克, 但係我用左4-5次都好似冇少過咁。我諗起碼用到半年。勁抵!!!

DIY Aloe Vera Aspirin Mask 蘆薈亞士匹靈面膜 -- iherb好物

睇Applenews介紹呢個蘆薈亞士匹靈面膜, 好似好正咁。扒左好多文, 都覺得幾安全又有效, 我梗係要試吓啦!!

呢個mask好岩有暗粒，走米，黑頭同暗瘡ge人用。想去印都岩用架，不過我建議，有印，最好先局部用係印上面，因為如果全面用，冇印的地方都會白左，咁只會令印更明顯！

(我就係咁=_=′′)

DIY方法好簡單，

1.準備一個乾淨ge碗仔/碟仔，用凍滾水洗一洗，倒左d水, 正常都會有d水份留左係器皿上面，好少？咁已經夠用。

2.將5粒80mg亞士匹靈藥丸放係器皿中，要掂到水份，等十幾秒，佢地就會開始溶。

3.用鐵匙or其他工具，壓到粒丸變成粉狀，加入一匙左右的蘆薈凝膠，攪勻至淺粉紅色。

4.用掃or手指查上面，等10分鐘就洗左去，最後敷返個保濕mask就搞掂！

Dr. Mercola, Natural Aloe Vera, 8 fl oz (236 ml) USD$9.97@

http://www.iherb.com/dr-mercola-natural-aloe-vera-8-fl-oz-236-ml/39996

成份包括:

Aloe Barbadensis Leaf Juice(庫拉索蘆薈葉汁), Glycerin(甘油, 丙三醇), Xanthan Gum(黃原膠, 三仙膠), Camellia Sinensis Leaf Extract(茶葉萃取), Cucumis Sativus(小黃瓜, 胡瓜), Ethylhexylglycerin(乙基己基甘油)

( 資料來源: http://www.cosdna.com )

真的好難找到一個沒有防腐劑/色素/香料的蘆薈膠, 查面的, 一定要小心。呢隻蘆薈膠真係純天然, 又平, 用得開心又放心!

Aspirin 亞士匹靈 HKD$0.3@

係藥房買的, 同政府診所醫院用的是一樣的, 粉紅, 小圓粒, 上面印有SYN字的。


如果你係第一次在iherb買野，係edit cart果頁打上「SGN360」的COUPON CODE，買滿USD 40 以上即時減USD10, USD 40 以下 即時減USD 5！