琴日本身就想整乾煎黑椒蝦,但係諗到要挑成斤蝦的腸,就有d卻步~~
岩岩經過阿信屋,去759,有時就好似尋寶咁,佢有d貨唔係長期有,凍櫃更加係!
今次就比我遇到野生大蝦,Yeah!
9折之後係$21x,有5隻,隻隻有前手臂咁長~有2隻肥d,3隻瘦d
琴晚就煎左肥的^_^ 爆膏呀!又冇雪藏味~
材料:
1. 大大蝦2隻
2. 即磨黑椒,1茶匙
3. 海鹽,半茶匙
4. 生粉,4茶匙
步驟:
1. 解凍,放係水喉下啤水,3-5分鐘
2. 抹乾蝦身,剪去長鬚及眼。用剪刀剪開蝦背及蝦頭的殼,再係蝦背落刀,將蝦一分為二
3. 清除蝦腸及蝦頭沙囊
4. 用廚房紙抹乾水份
5. 平均灑上黑椒和海鹽,最後灑上生粉,尤其有膏的地方
6. 燒紅煎pan,落油,落蝦,肉向下。
7. 煎到金黃反轉煎殼,留意蝦頭是否已熟。
8. 搞掂,食得!
如果想知道蝦頭熟未,我自己就用搵筷子插入蝦頭的膏內,因為熟左的膏係香的,生的係腥的,一聞就知道!
沒有留言:
張貼留言